السلطة الفلاحية
السلام عليكم
وصفة من جروب نكهة عربية .. رائعة تستحق التطبيق
السلطة الفلاحية كانت و مازالت دائما الخيار الصحي و الشهي على سفرتنا الفلسطينيه بكل الأوقات.. ما أحلاها عالفطور جنب الجبنه النابلسية و البيض المقلي بزيت الزيتون و جنبها الزيتون الاخضر الناطع.
ولا على الغدا و جنبها شوية كبه و شوربة عدس بأيام الشتاء، و مافي أخف منها على العشاء بجمعات الأهل و الصحاب في ليالي الصيف.
تختلف مكونات السلطه الفلاحيه بشكل بسيط من بيت للتاني، في ناس بحبوها على اصولها بندوره و بصل مع عصرة ليمون و ملح و زيت زيتون، و في ناس بتحب تضيفلها خيار مفروم مع بقدونس و نعنع..
اليوم رح أقدملكم السلطه الفلاحيه بالطريقه اللي منعملها ببيت أهلي و اللي أنا بالتالي كبرت وصرت أتبع نفس الطريقه مع عيلتي الصغيره..
المكونات:
٣ حبة بندوره مقطعه مكعبات
١ حبة بصل صغيره مفروم فرم ناعم
عودين بصل أخضر مفروم ناعم
بقدونس و نعنع مفروم خشن حسب الرغبه
١ عود فلفل أخضر حار
مقادير الصلصه:
١ ليمونه معصوره
٣ م ك زيت زيتون
رشة ملح
رشة سماق
الطريقه: تخلط جميع المكونات مع بعضها ثم يضاف لها مقادير الصلصه و تخلط جيداً ثم تقدم مع الخبز العربي.