كفتة السمك

كفته السمك

السلام عليكم يا قمرات

النهارده معانا كفته السمك حلوة و سهله و حيبوها الصغار و الكبار.

المقادير :

½ كيلو سمك فيليه أي نوع / حزمة بقدونس / فلفل رومي واحده / م ص مسترده و م ص كاتشاب و ملح و فلفل و كمون و بابريكا و توم مطحون و عصير ليمون./ دقيق

الطريقه:

1-    حنفرم السمك في الكبه و نفرم البقدونس ناعم و الفلفل الرومي حتت صغيره قوي.

2-    حنخلطهم مع التتبيله اللي في المقادير فوق.

3-    نضيف ¼ كوب دقيق.

4-    نعجنها و نعملها كور لو لقيتوها لسه ملزقه ممكن تكوروها بالدقيق .

5-    نحطها في الطاسه مع شويه زيت و نسويها مش بتأخد وقت .

6-    نقدمها مع الرز الأبيض و السلطة.

يا رب تعجبكم