سمك بوري زيت و ليمون
السلام عليكم يا قمرات
معانا سمك بوري زيت و ليمون في الفرن بس حلو قوي ان شاء الله يعجبكم
المقادير:
سمك بوري / زيت ذرة / عصير ليمونتين / فصيت توم مفرومين عليهم ملح و كمون و كزبره ناشفه.
الطريقه:
1- ننظف السمك كويس.
2- نخلط الليمون و الزيت و الثوم سوا.
3- نحضر صينيه فيها السمك ( هنا في سمكة واحده ).و ندهنا زيت.
4- نحط السمكه و نقطعها زي الصورة .
5- نصب عليها الخليط ده و نسيبها متبله .
6- نسخن الفرن و نحط الصينيه لمده 15 دقيقه . ( علي حسب عدد السمك و وزنه )
7- تقدمها سخنة مع الرز الأبيض و السلطة.
يا رب تكون عجبتكم
