ورقه لحمة في الفرن
السلام عليكم
النهارده معانا ورقه لحمة في الفرن سهله و حلوة جدا
المقادير :
½ كيلو لحمة موزة أو حمرة و ممكن شرايح / بصله متوسطة متقطعه جوانح / فلفل رومي متقطع مربعات / جزر شرايح / بطاطس متقطعه مكعبات / زيت / ملح / فلفل و بهارات
الطريقه:
1- حنحضر الخضار زي ما في الصورة
2- حنخلطه مع بعض و نتبله بملح و فلفل .
3- حنتبل اللحمة بملح و فلفل و بهارات .
4- حنجيب ورقه ألومنيوم كبيره و نحطها في الصينيه زي الصورة .
5- حنحط عليها ورقه زبده عشان الحاجة مش تلزق . ( انا مكنشي عندي )
6- حنرص الخضار في الصينيه و بعدها اللحمة.
7- حنغطيها كويس بورقه الفويل و نحط نص كوبايه ميه تحتها كده من الجنب نصبها يعني .
8- نسخن الفرن كويس جدا و ندخلها لمده ساعتين الي ساعتين و نص .
9- بعد كده حتكون استوت و بقت زبده و بالهنا و الشفا.
يا رب تكون عجبتكم
